एजेन्सी, ३ मंसिर । बेरुतमा भएको इजरायली आक्रमणमा परेर हिजबुल्लाहका सञ्चार प्रमुख मोहम्मद अफिफ मारिएका छन् । यो घटनालाई हिजबुल्लाहले नै पुष्टि गरिसकेको छ ।
लेबनानको सञ्चार माध्यममा जनाइए अनुसार आइतबार बाक्लो घनत्व रहेको रास अल नाबाको छिमेकमा बाथ राजनीतिक दलको कार्यालयमा आक्रमण भएको थियो ।
सोही आक्रमणमा चार जनाको ज्यान गएको हो । बाथ पार्टी सिरियाको हो । यसको लेबनानमा धेरै शाखा छन्। लेबनानमा भएका धेरै शाखामा आइतबार एकै पटक आक्रमण गरेर संरचना नै ध्वस्त पारिएका थिए ।
अफिफ सार्वजनिक कार्यक्रममा प्रस्तुत हुने हिजबुल्लाहका विरलै नेता मध्य एक हुन । एक साता अघि मात्र उनले सार्वजनिक कार्यक्रममा प्रस्तुत भएर हिजबल्लाहको कार्यक्रमको बारे जानकारी गराएका थिए । बाथ पार्टी वर्तमान राष्ट्रपति बसार अल असरको नेतृत्वमा छ । सो दल हिजुबल्लाहको साथमा नै सत्तामा पुगेको हो ।
आइतबार नै इजरायलले लेबनानमा अर्को आक्रमण पनि गरेको थियो। सो आक्रमणमा दुई जनाको ज्यान गएको थियो।
आइतबार बिहान इजरायली डिफेन्स फोर्सले हिजबुल्लाहको ६ केन्द्रमा निसाना बनाइएको थियो। लेबनानको स्वास्थ्य मन्त्रालयको दाबी अनुसार गत लेबनानमा इजरायलले गरेको आक्रमणमा ३४ सय जनाको ज्यान गएको छ भने १२ लाख विस्थापित भएका छन्।
