काठमाडौँ, २० कार्तिक । खराब मौसमका कारण खेलअघि बढ्न नसक्दा नेपाल र स्कटल्यान्डबीचको खेल रद्द भएको छ ।
आईसीसी पुरुष क्रिकेट विश्वकप लिग–२ को ४४औँ खेलमा नेपालले अंक बाडेको हो । अमेरिकाको ड्यालसमा हुने तालिका रहे पनि खेल खराब मौसमक कारण दुईपटक रोकिएको थियो ।
खेलमा टस हारेर ब्याटिङमा आएको नेपालले ६ ओभरमा एक विकेट गुमाउँदै २६ रन बनाउँदा खेल अघि बढाउन सम्भव नभएको हो ।
लिग–२ मा १२ खेलबाट ६ अंक जोडेको नेपाल तालिकाको सातौँ स्थानमा छ । चार अंक जोडेको यूएई पुछारमा छ ।
१६ अंक जोडेको अमेरिका शीर्ष स्थानमा छ । ११ खेलबाट १४ अंंक जोडेको स्कटल्यान्ड तालिकाको तेस्रो स्थानमा छ ।
