काठमाडौँ, १ भदौ । नेपाली राष्ट्रिय महिला फुटबल टोलीको फिफा वरीयता एक स्थान खस्किएको छ ।
विश्व फुटबलको सर्वोच्च निकाय फिफाले हिजो सार्वजनिक गरेको नयाँ वरीयतामा नेपालको वरीयता घटेको हो ।
नयाँ वरीयतामा नेपाल ९९ औँ स्थानमा छ । अघिल्लो वरीयतामा नेपाल ९८ औँ स्थानमा थियो । एसियाली देशको वरीयतामा नेपाल १९ औँ स्थानमा छ । यस्तै दक्षिण एसियाली वरीयता नेपाल दोस्रो स्थानमा छ ।
नेपाल भन्दा अघि रहेको भारत ६८ औँ स्थानमा छ । विश्व वरीयतामा अमेरिकाले चार स्थान सुधार गरी शीर्ष स्थानमा उक्लिएको छ । यस्तै इंग्ल्यान्ड दोस्रो स्थानमा छ भने स्पेन तेस्रो स्थानमा छ ।
