भक्तपुर, २२ साउन । नेकपा (एमाले) भक्तपुर जिल्ला कमिटीसँग भएको मैत्रीपूर्ण फुटसल प्रतियोगिता सम्पन्न भएको छ ।
७३औं मदन जयन्तीको अवसरमा नेपाल खेलकुद महासंघ, भक्तपुर जिल्ला कमिटीले सोमवार आयोजना गरेको उक्त प्रतियोगितामा जिल्ला खेलकुद महासंघ भक्तपुरले जिल्ला कमिटीलाई ६–४ को गाले अन्तरले हराएको छ ।
कार्यक्रममा महासंघका केन्द्रीय महासचिव धर्म लामा, एमाले जिल्ला अध्यक्ष बचन देउजा, उपाध्यक्ष तथा बागमती प्रदेशका स्वास्थ्य मन्त्री किरण थापा लगायत प्रदेश, जिल्ला तथा स्थानीय तहका एमालेका नेता, कार्यकर्ता तथा विभिन्न जनवर्गीय संगठनको उपस्थिती रहेको थियो ।
