काठमाडौँ, २१ असार । नेकपा (एकीकृत समाजवादी) का नेता तथा प्रतिनिधि सभा सांसद प्रेम आलेले पार्टीसँग कुनै साइनो नरहेको बताएका छन् ।
पार्टीको दसौं महाधिवेशन बहिष्कार गरेको बताएका आलेले वडाध्यक्षसमेत नजित्ने मानिसहरू पदाधिकारी बनेको भन्दै असन्तुष्टि व्यक्त गरे । उनले जनताबाट निर्वाचित प्रतिनिधि भएकाले स्वतन्त्र हैसियतमा रहँदा पनि फरक नपर्ने बताए ।
‘म एमालेमै पोलिटब्युरो सदस्य भइसकेको हुँ, तीन पटक मन्त्री भइसकेको छु । त्यो एकीकृत समाजवादीमा वडा सदस्य जित्न नसक्ने मानिस पदाधिकारी छन् । त्यो पार्टी उँभो लाग्छ ? त्यही देखेर मैले बहिष्कार गरेको हुँ । पार्टी गठन गर्ने, व्यापार गर्ने काम भयो, म हिजो भारतबाट फर्किएँ । यो पार्टीसँग मेरो कुनै साइनो सम्बन्ध रहेन,’ उनले भने ।
