काठमाडौँ, १७ असार । माध्यमिक शिक्षा परीक्षा (एसईई) मा नन ग्रेडेड (एनजी) आएका सबैलाई मौका परीक्षा (ग्रेड वृद्धि) दिन पाउने व्यवस्था गरिएको छ ।
शिक्षा, विज्ञान तथा प्रविधिमन्त्री सुमना श्रेष्ठले ५२ प्रतिशत विद्यार्थीको ‘एनजी’ आएपछि सबैलाई मौका परीक्षा दिन पाउने निर्णय गरेकी थिइन् ।
आइतबार बसेको राष्ट्रिय परीक्षा बोर्डको बैठकले साउन २३ देखि ३१ गतेसम्म परीक्षा सञ्चालन गर्ने निर्णय गरेको हो । बोर्डले परीक्षा तालिका भने साेमबार सार्वजनिक गर्ने बताएको छ ।
यसअघि दुई विषयमा ‘एनजी’ आएका विद्यार्थीका लागिमात्रै भन्दै राष्ट्रिय परीक्षा बोर्डले साउन १८ र १९ गते मौका परीक्षाको मिति तय गरेको थियो । तर, शिक्षामन्त्रीले मन्त्रीस्तरीय निर्णय गर्दै ‘एनजी’ आएका सबै विद्यार्थीलाई मौका परीक्षा दिन पाउने निर्णय गरेसँगै परीक्षा मिति फेरबदल भएको हो ।
