काठमाडौँ, ३० चैत । कमल हसन स्टारर ‘इण्डियन २’ सन् २०२४ को प्रतीक्षित भारतीय फिल्ममध्ये एक हो । शंकर शनमुगमद्वारा निर्देशित फिल्मले ठूलो चर्चा पाएको छ ।
यसैबीच, पहिलो भागमा ईश्वरीयाको भूमिका निर्वाह गरेकी अभिनेत्री मनिषा कोइराला आगामी श्रृंखलामा देखिने अनुमान गरिएको छ । पछिल्लो खबर अनुसार अघिल्लो फिल्ममा हसनको प्रेमिकाको भूमिका निर्वाह गरेकी मनिषा यो फिल्ममा पनि देखिने जनाइएको छ ।
यद्यपि, निर्माताले फिल्ममा मनिषाको भूमिकालाई लिएर कुनै पनि औपचारिक घोषणा गरेका छैनन् । यी हल्लाहरु यथार्थको निकट हुनसक्ने अनुमान गरिएको पिंकभिल्लाले उल्लेख गरेको छ ।
