(आसोज २, काठमाडौं) । चर्चित नेपाली फेशन डिजाइनर पुनम क्षेत्री गौतमले आफ्ना आकर्षक फेसन डिजाइनहरु फ्रान्सको पेरिसमा प्रदर्शन गरेकी छन् ।
‘क्याटवक पेरिस रिभ्योलुसन’ नामक इभेन्टमा अन्तर्राष्ट्रिय मोडल मार्फत आफ्ना डिजाइनका १२ पहिरन प्रदर्शन गरेकी हुन् । नेपालको प्रतिनिधित्व गर्दै पेरिस पुगेकी पुनमले विभिन्न देशबाट आएका मोडलको सहयोगमा आफ्ना डिजाइन र्याम्पमा पस्किएकी थिइन् ।
बेलायतको लण्डन र अमेरिकाको न्यूर्योकमा आफ्नो डिजाइनका पहिरनको प्रदर्शन गरिसकेकी पुनमले पेरिसको कार्यक्रम विशेष रहेको बताइन् । उनले भनिन् ‘कार्यक्रम सञ्चालकले पटक–पटक ‘नेपाल’ शब्द उच्चारण गर्दा मन नै प्रफूल्ल भयो ।’
