काठमाडौँ, ३० फागुन । फिल्म ‘ज्याकीः आई एम ट्वान्टी वान’ की मुख्य नायिका जसिता गुरुङको फस्टलुक सार्वजनिक भएको छ । फस्टलुकमा गुरुङको डान्सर अवतारमा देख्न सकिन्छ ।
रेनशा राई रानाको निर्देशन रहेको फिल्ममा जसिता ‘रुबी’ पात्रको भूमिकामा देख्न सकिनेछ । प्रभु शमशेर जबरा र प्रज्वल शमशेर जबराको निर्माणमा तयार भएको यो फिल्मलाई निर्माण पक्षले डान्स ड्रामा भनेको छ ।
फिल्मको केही अगाडि सार्वजनिक टिजरमा समावेश संवाद टिकटकमा भाइरल भैसकेको छ । आउँदो वर्षको वैशाख २१ गतेबाट रिलिज हुन लागेको फिल्ममा अरुण क्षेत्री, प्रेम सुब्बा लगायतका कलाकारको पनि मुख्य भूमिका छ ।
