(भदौ १८, अमेरिका) । अमेरिकामा आयोजना भएको ‘नेम्पा पपुलर फिल्म अवार्ड’ मा ‘छक्का पन्जा २’ लाई पपुलर फिल्म अवार्ड प्रदान गरिएको छ ।
अगष्ट ३१ देखि सेप्टेम्बर २ सम्म आयोजना भएको ‘नेपाली राष्ट्रिय सम्मेलन २०१८’ अमेरिकामा रहेका नेपाली संगठनहरु एन्मा, नासिया र एनाले संयुक्त रुपमा उक्त कार्यक्रमको आयोजना गरेका हुन् ।
अवार्डमा पपुलर फिल्मतर्फ ‘छक्का पन्जा २’, पपुलर निर्देशकको विधामा दिपाश्री निरौला, पपुलर सह-नायिकाको विधामा नीता ढुंगानालाई अवार्ड प्रदान गरिएको थियो । यस्तै, पपुलर हाँस्य कलाकारमा केदार घिमिरे र विल्सन विक्रम राइ, पपुलर सह-अभिनेता जितु नेपाल, पपुलर कोरियोग्राफरको विधामा कविराज गहतराजले अवार्ड प्राप्त गरेका थिए ।
उक्त अवार्डमा सहभागी हुनका लागि निर्देशक दिपाश्री निरौला, नायक भूवन केसी, हाँस्य कलाकारहरु जितु नेपाल, विल्सन विक्रम राई, नायिका नीता ढुंगाना, कलाकार सुनिल थापा लगायत अमेरिका पुगेका थिए ।
