(भदौ ६, काठमाडौँ) । एशिया कप छनोटको तयारीका लागि श्रीलंकामा रहेको नेपाली राष्ट्रिय टिमले पहिलो अभ्यास खेलमा जित हासिल गरेको छ ।
नेपालले श्रीलंकाको आर्मी टिमलाई ६७ रनले हराएको छ । टस जितेर पहिले ब्याटिङ गरेको नेपाल ४८ ओभर चार बलमा एक सय ९४ रनमा अलआउट भयो । ३० रन हुँदा दुई विकेट गुमाएको नेपालका लागि आरिफ शेखले अविजित ८९ रन बनाए । यस्तै आजको खेलका कप्तान ज्ञानेन्द्र मल्लले २१ रन बनाउँदा रोहित पौडेलले १२ रन जोडे ।
बलिङतर्फ नेपालका सोमपाल कामी र बसन्त रेग्मीले तीन तीन विकेट लिए भने दिपेन्द्र ऐरीले दुई र ललित भण्डारी तथा ललित राजवंशीले एक एक विकेट हात पारे ।
