काठमाडौँ, २७ भदौ । एसिया कप क्रिकेटको उपाधि श्रीलंकाले जितेको छ ।
आइतबार राति भएको फाइनलमा पाकिस्तानलाई २३ रनले पन्छाउँदै श्रीलंकाले एसिया कप ट्वान्टी–२० को उपाधि हात पारेको हो ।
दुबई अन्तर्राट्रिय क्रिकेट रंगशालामा टस हारेर पहिले ब्याटिङमा उत्रिएको श्रीलंकाले निर्धारित ओभरमा ६ विकेट गुमाएर १७० रन बनायो । उसका लागि भानुका राजपाक्षेले अविजित रहँदै ७१ रनको अर्धशतकीय इनिङ खेले ।
पाकिस्तानमाथिको जितसँगै श्रीलंका छैटौं पटक एसिया कपको उपाधि जित्न सफल भएको छ । त्यसअघि सन् २०१४ मा बंगलादेशमा भएको एसिया कपमा श्रीलंकाले पाकिस्तानलाई नै हराएर उपाधि जितेको थियो ।
