(साउन १३, काठमाडौँ) । गायन र रेडियोकर्मलाई एकसाथ अगाडी बढाइरहेकी चर्चित पुर्बेली गायिका सिमरन अर्थात उषा मलाहाले हिंदी एल्बम ल्याउँदै छिन ।
पाँच वटा गीत समावेश एल्बम तयारीको अन्तिम चरणमा पुगेको छ । उनको एकल शब्द रचना समेटिएको यस एल्बममा संगीतकार विकास चौधरीको एकल संगीत रहेको छ । सो एल्बममा ‘कुछ बोलो तुम’, ‘दिलके पास’ जस्ता गीत रेकर्ड भइसकेका छन् भने बाँकी गीतको काम धमाधम भइरहेको छ ।
झापाको धुलाबारीमा जन्मेकी गायिका सिमरन पछिल्लो समय गायनमा सक्रियताका साथ लागी परेकी छन् । आगामी दशैंसम्ममा हिन्दीसहित गोविन्द गौतमको एकल रचनामा नेपाली एल्बम ‘सिमरन’ र गायक सुसन साम्सोहाङका साथमा पुर्वेली लोकगीत एल्बम ‘पूर्वै झापा गाउँ’ समेत श्रोतामाझ ल्याउने उनको योजना रहेको उनले बताएकी छिन
