(साउन ७, एजेन्सी) । बलिउड नायीका जान्हवी कपूरको फिल्म ‘धडक’ले प्रदर्शन भएको तीन दिनमा ३६.६७ करोडको व्यापार गरेको छ ।
फिल्म ‘धडक’ प्रदर्शन भएको पहिलो दिनमा ८.७१ करोड र दोस्रो दिन ११.४ करोडको व्यापार गरेको थियो । फिल्मले प्रदर्शन भएको तेस्रो दिनमा झनै राम्रो व्यापार गर्न सफल भएको छ । तेस्रो दिन १३.९२ करोड कमाउँदै आज सम्म ३६.६७ करोडको व्यापार गर्न सफल भएको छ ।
निर्माता करण जोहरको धर्मा प्रोडक्शनको ब्यानरमा निर्माण गरिएको फिल्म जुलाई २० बाट प्रदर्शन भैरहेको छ । बलिउड अभिनेत्री श्रीदेवीकी छोरी जान्हवी कपूरको यो डेब्यू फिल्म हो ।
