काठमाडौँ, २५ असोज । फ्रान्सले गएराति स्पेनलाई २–१ ले हराउँदै युरोपियन नेशन्स लिगको उपाधि उचालेको छ ।
इटालीको मिलानस्थित सान सिरो रंगशालामा सम्पन्न खेलमा स्पेनले ६४औं मिनेटमा मिकेल आयर्जाबलको गोलबाट अग्रता लिएको थियो । तर, स्पेनको युवा टोलीले त्यो अग्रता जोगाउन नसक्दा उपाधिबाट बञ्चित भयो ।
त्यसको दुई मिनेट वित्न नपाउँदै रियाल मड्रिडका फरवार्ड बेन्जेमाले बराबरी गोल फर्काए । बेन्जेमाले एम्बाप्पेको पासलाई नियन्त्रणमा लिँदै पेनाल्टी क्षेत्रको वायाँ भागबाट हानेको लामो प्रहारलाई स्पेनका गोलकिपरले युनाई सिमोनले बचाउन सकेनन् ।
