(असार १७, एजेन्सी) । चिनियाँ अधिकारीहरुले फिल्म र टेलिफिल्मका स्टारहरुको पारिश्रमिकमा सीमा तोकेका छन् ।
चीनको कर निकाय र पाँच सरकारी एजेन्सीहरुको संयुक्त बक्तव्य अनुसार कलाकारहरुको पारिश्रमिक कुल निर्माण खर्चको ४०% हुने गरि सीमा लगाइँदै छ ।
मेमा एक पहुँचवाला चिनियाँ टीभी प्रस्तोता चुई योङ्गयुआनले देशको सबैभन्दा धेरै पारिश्रमिक पाउने मध्य एक अभिनेता फ्यान विङ्गविङ्गको एउटै प्रोजेक्टको लागि गरिएको दुई सम्झौतापत्रहरुको फोटो पोष्ट गरेका थिए ।
सम्झौतापत्रहरु मध्य एकमा १५.६ लाख अमेरिकी डलर थियो भनेको अर्कोमा ७८ लाख डलर थियो ।
बुधबार सार्बजनिक भएको निर्देशिकामा कर छलिको यस्तो अभ्यासको आलोचना गर्दै यस्तो अभ्यासले देशको फिल्म उद्योगको गुणस्तरलाई मात्रै क्षति पु¥याउने नभई चिनिया समाजमा ‘स्टार कलाकारहरुलाई आखाँ चिम्लेर पछ्याउने बानीको विकास हुन्छ’ भनेको छ ।
