(असार १४, काठमाडौँ) । रेनाशा वान्तवा राई निर्देशित फिल्म ‘इन्टु मिन्टु लण्डनमा’को अफिसियल टीजर सार्बजनिक भएको छ ।
बिहीवार राजधानीमा कार्यक्रमगरि सार्वजनिक गरिएको‘इन्टु मिन्टु लण्डनमा’ अभिनेत्री साम्राज्ञी राज्यलक्ष्मी शाह र धिरज मगरको प्रमुख भूमिका छ । साम्राज्ञीले ‘इन्टु मिन्टु लन्डनमा’ आफ्ना लागि विशेष रहेको बताइन् । ‘म कथा सुन्ने वितिक्कै सुटिङमा जान आतुर भएकी थिएँ । मैले अहिलेसम्म गरेको फिल्मभन्दा यो धेरै फरक छ’, उनले भनिन् ।
आई कोर फिल्मस्को व्यानरमा निर्मित ‘इन्टु मिन्टु लन्डनमा’ मिन्टुको भूमिकामा साम्राज्ञी इन्टुको भूमिकामा धिरज मगर मगर रहेका छन् ।
असोज ५ गतेबाट देशव्यापी प्रदर्शनमा रहने फिल्ममा साम्राज्ञी र धिरजसँगै शारुक ताम्राकार, दिलभुषण पाठक, विजय लामा, रुवी राणालगायत मुख्य भूमिकामा छन् ।
