काठमाडौँ, २६ असोज । युएईमा जारी १३ औं संस्करणको इन्डियन प्रिमियर लिग (आईपीएल) मा दिल्ली क्यापिटल्स मुम्बई इन्डियन्ससँग पराजित भएको छ ।
आइतबार राति भएको खेलमा मुम्बई इन्डियन्सले दिल्ली क्यापिटल्सलाई ५ विकेटले पराजित गरेको हो । जितका लागि १ सय ६३ रनको विजयी लक्ष्य पछ्याएको मुम्बईले १९।४ ओभरमा ५ विकेटको क्षतिमा पूरा गर्यो । मुम्बईको यो सातौं खेलमा पाँचौं जित हो। दिल्लीले भने त्यति नै खेलमा दोस्रो हार ब्यहोरेको छ । यो जितसँगै साविक विजेता मुम्बई आईपीएलको अंक तालिकामा शीर्षस्थानमा उक्लिएको छ ।
जितसँगै मुम्बई ७ खेलमा ५ मा जित र २ मा हार सहित १० अंकका साथ शीर्ष स्थानमा उक्लिएको छ। दिल्लीको पनि ७ खेलमा ५ मा जित र २ मा हार सहित १० अंक नै भए पनि नेट रन रेटको आधारमा दोस्रो स्थानमा छ। कोलकाता ६ खेलमा ४ मा जित र २ मा हारसहित तेस्रो स्थानमा छ ।
