एजेन्सी, १७ असार । इटालियन सिरी ए फुटबलमा शीर्ष स्थानको युभेन्टस विजयी भएको छ ।
मंगलबार राति गेनोआको घरेलु मैदानमा भएको खेलमा युभेन्टस ३-१ गोलले विजयी भएको हो ।
पाहुना टोली युभेन्टसको जितका लागि पाउलो डिबाला, क्रिस्टियानो रोनाल्डो र डौग्लास कोस्टाले एक एक गोल गरे । गेनोआका लागि आन्द्रेअ पिनामोन्टीले एक गोल फर्काए ।
जितसँगै युभेन्टसके शीर्ष स्थानमा दोस्रो स्थानको लाजिओ भन्दा चार अंकको अग्रता बनाएको छ । युभेन्टसको २९ खेलबाट ७२ अंक छ । त्यस्तै पराजित गेनोआको समान खेलबाट २६ अंक सहित १७ औं स्थानमा छ ।
