एजेन्सी, २३ बैशाख । कोरोना भाइरसकाे कारण स्थगित भएको स्पेनिस ला लिगा फुटबल जुन महिनाको पहिलो हप्ताबाट सुरु गर्ने तयारी रहेको आयोजकले जनाएको छ ।
बीबीसीका अनुसार क्लबहरु यसै हप्तादेखि प्रशिक्षणमा फर्कने र जुनको पहिलो हप्तादेखि प्रतियोगिता सुरु गर्ने तयारी रहेको छ । भौतिक दुरी कायम राख्दै प्रशिक्षण सुरु गर्न क्लबहरुलाई स्पेनको स्वास्थ्य मन्त्रालयले अनुमति दिएको छ ।
लिगका खेल सुरु हुनुअघि सबै खेलाडीको स्वास्थ्य जाँच गरिने र दर्शकविनाकाे रङ्गशालामा खेल खेलाउने तयारी छ । ११ औँ चरणको खेल बाँकी रहेको अवस्थामा गएको मार्चदेखि ला लिगा अनिश्चितकालका लागि स्थगित भएको थियो ।
