साउदीमा नेपालीको मृत्यु भएको घटनाप्रति परराष्ट्र मन्त्रालयद्वारा दुःख व्यक्त

काठमाडौँ, ५ कार्तिक । साउदी अरेबियास्थित साउदी अराम्कोको ‘सायवाह’ तेल क्षेत्रमा खसालिएको ड्रोनको भग्नावशेष लाग्दा एक नेपाली नागरिकको मृत्यु भएको घटनाप्रतिपरराष्ट्र मन्त्रालयले सामाजिक सञ्जाल ‘एक्स’ मार्फत उक्त घटनाबारे जानकारी दिँदै गहिरो दुःख व्यक्त गरेको छ ।

मन्त्रालयका अनुसार हिजो भएको उक्त ड्रोन आक्रमणलाई निस्तेज पार्ने क्रममा खसेको भग्नावशेष लागेर ती नेपाली नागरिकको ज्यान गएको हो । मन्त्रालयले मृतकप्रति श्रद्धाञ्जली व्यक्त गर्दै शोक–सन्तप्त परिवारजनमा हार्दिक समवेदना प्रकट गरेको छ । साथै, घटनामा परी घाइते भएकाहरूको शीघ्र स्वास्थ्य लाभको कामनासमेत गरेको छ ।

नेपालले सर्वसाधारण नागरिक तथा संवेदनशील एवं महत्त्वपूर्ण पूर्वाधारहरूलाई लक्षित गरी हुने कुनै पनि आक्रमणको स्पष्ट शब्दमा भर्त्सना दोहोर्‍याएको छ । मन्त्रालयले आफ्नो सैद्धान्तिक अडानलाई पुनः पुष्टि गर्दै जुनसुकै विवादको पनि शान्तिपूर्ण समाधान खोजिनुपर्ने बताएको छ । यसका लागि संवाद, वार्ता र कूटनीतिक पहलका माध्यमबाट समस्याको समाधान गर्न नेपालले निरन्तर आह्वान गरिरहेको परराष्ट्र मन्त्रालयले जनाएको छ ।

प्रतिक्रिया दिनुहोस्

संबन्धित समाचार

काठमाडौँ, ३० कार्तिक । उदाउँदो सूर्यलाई अर्घ्य अर्पण गर्दै श्रद्धा, निष्ठा र लोकआस्थाको महापर्व छठ सोमबार विधिवत् रूपमा सम्पन्न भएको छ।

काठमाडौँ, ३० कार्तिक । कालीमाटी फलफूल तथा तरकारी बजार विकास समितिले आजको लागि कृषि उपजको थोक मूल्य सार्वजनिक गरेको छ

काठमाडौँ, ३० कार्तिक । नेपाल राष्ट्र बैंकले सोमबारको लागि विदेशी मुद्राको विनिमयदर सार्वजनिक गरेको छ । Code Name Buy Sell Unit

काठमाडौँ, ३० कार्तिक । हाल नेपालमा पश्चिमी न्यूनचापीय प्रणालीको आंशिक प्रभाव रहेको जल तथा मौसम पूर्वानुमान महाशाखाले जनाएको छ ।  महाशाखाका