काठमाडौँ, २६ असोज । नेपाल प्रिमियर लिग (एनपीएल)को फ्रेन्चाइज सुदूरपश्चिम रोयल्सले लोटो स्पोर्टसँग सम्झौता गरेको छ ।
सुदूरपश्चिमले एनपीएलको तेस्रो सिजनका निम्ति लोटोलाई आधिकारिक अपरेल पार्टनरका रूपमा भित्र्याएको हो । इटालीमाको लोटो अन्तर्राष्ट्रिय खेलकुद ब्रान्ड हो, जसले खेलकुदसम्बन्धी पोसाक, जुत्ता लगायतका सामग्री उत्पादन गर्दै आएको छ ।
लोटोले सुदूरपश्चिमको यात्रामा साथ दिन पाउँदा गर्व लागेको बताउँदै क्रिकेटले नेपालमा ल्याउने जोश, ऊर्जा र खेल भावनाको हिस्सा बन्न उत्साहित रहेको जनाएको छ ।
सुदूरपश्चिमका प्रमुख कार्यकारी अधिकृत प्रकाश खड्काले लोटो स्पोर्टसँगको साझेदारीले टोलीको व्यावसायिक यात्रालाई थप बलियो बनाउने विश्वास व्यक्त गरे ।
