काठमाडौँ, २६ असोज । नेपाली कांग्रेसको १५औं महाधिवेशनबाट उपसभापतिमा निर्वाचित चन्द्र भण्डारीले प्रतिनिधिले गरेको विश्वासको शिर झुक्न नदिने प्रतिवद्धता जनाएका छन् ।
उनले पदीय जिम्मेवारीलाई देश, जनता र पार्टीको पक्षमा रही म होइन, हामी र हाम्रो भन्ने भावनाका साथ अघि बढ्ने प्रतिवद्धता जनाए ।
उनले आज आफ्नो सामाजिक सञ्जालमा सवैलाई धन्यवाद व्यक्त गर्दै लेखेका छन्, ‘म प्रतिबद्ध छु—तपाईंहरूले मप्रति गर्नुभएको विश्वासको शिर कहिल्यै झुक्ने छैन। सधैँ ‘म’ होइन, ‘हामी’ र ‘हाम्रो’ भन्ने भावनाका साथ अघि बढ्नेछु ।’
