काठमाडौँ, २५ असोज । बजारमा प्याजको मूल्य घटेको छ ।
कालीमाटी फलफूल तथा तरकारी बजार विकास समितिको तथ्यांक अनुसार करिब डेढ महिना अवधिमा प्याजको भाउ १० प्रतिशत घटेको छ ।
१६ भदौमा थोकमा प्रतिकिलो न्यूनतम ९० देखि अधिकतम ९५ र औसत ९२ रुपैयाँमा किनबेच भएको प्याज २५ असोज (आज) सम्म आइपुग्दा प्रतिकिलो १० रुपैयाँले घटेको छ ।
आज आइतबार प्याज थोकमा प्रतिकिलो न्यूनतम ८० देखि अधिकतम ८५ र औसत ८२ रुपैयाँमा किनबेच भइरहेको छ । यसअघि असार अन्तिम साता कालीमाटीमा प्याजको थोक मूल्य औसत ५४ रुपैयाँ (न्यूनतम ५३, अधिकतम ५५) थियो ।
