काठमाडौँ, १२ असोज । आज नेपाल स्टक एक्सचेन्ज (नेप्से) परिसूचक दोहोरो अंकले घटेको छ ।
यस दिन नेप्से सूचक १६.४७ अंक अर्थात् ०.६२ प्रतिशतले घटेर २६१३.३३ विन्दुमा बन्द भएको छ ।
आज ३५७ कम्पनीको एक करोड ३१ लाख ७८ हजार १२८ कित्ता सेयर किनबेच भयो । कुल कारोबार रकम पाँच अर्ब ३८ करोड ५७ लाख ८५ हजार ४१४ रुपैयाँ पुगेको छ । कुल ५८ हजार ५०० पटकको कारोबारमार्फत उक्त सेयर किनबेच भएको नेप्सेले जनाएको छ ।
यसदिन ५० कम्पनीको मात्रै सेयर मूल्य उकालो लाग्यो भने २२३ कम्पनीको सेयर मूल्य ओरालो लाग्यो । यस्तै, ६ कम्पनीको सेयर मूल्य स्थिर रह्यो । यसमध्ये सबैभन्दा बढी डिवेञ्चरको सेयर मूल्य बढेको छ । किनभने यसदिन कमाउने पाँच कम्पनीमा सात प्रतिशतको लक्ष्मी सनराइज डिवेञ्चर २०९२, १० प्रतिशतको केवीएल डिवेञ्चर २०९०, ६.२५ प्रतिशतको प्राइम बैंक डिवेञ्चर २०९३, माण्डु हाइड्रोपावर र एनआईसी व्यालेन्स फन्ड रहेका छन् ।
यस्तै, सबैभन्दा बढी गुमाउने कम्पनीमा हाथवे इन्भेष्टमेन्ट, इमर्जिङ नेपाल, ग्लोबल आईएमई ब्यालेन्स फन्ड–१, धौलागिरी लघुवित्त र एसियन हाइड्रोपावर रहेका छन् ।
