काठमाडौँ, ४ असाेज । राष्ट्रिय स्वतन्त्र पार्टी(रास्वपा)ले ‘राइट टु रिकल’ कार्यान्वयन गर्ने विषयमा छलफल गरेको छ ।
आज केन्द्रीय कार्यालय वनस्थलीमा बसेको सचिवालय बैठकले ‘राइट टु रिकल’ पार्टीले कार्यान्वयन गर्ने प्रवक्ता जगदीश खरेलले बताए ।
उनले भने, ‘राइट टु रिकलको विषयमा पनि छलफल भयो । यस विषयमा महामन्त्री विपिन आचार्यको संयोजकत्वमा समिति नै बनेको छ । काम प्रारम्भ गरेको छ । यसको निष्कर्ष निस्केपछि पार्टीले कार्यान्वयन सम्बन्धमा पार्टीले निर्णय गर्छ’, ‘पार्टीले प्रारम्भदेखि नै यस विषयमा कुरा गर्दै आएको छ । यो आवश्यक पहिले नै भएको थियो, अहिले होइन । अहिले देशकै ठुलो पार्टी भएको अवस्थामा यो विषय उठाउन होइन, कार्यान्वयन हुनुपर्छ भन्ने हिसाबले पार्टीले मिहिन ढंगले काम गर्न लागको हो ।’
