सुर्खेत, १ असोज । दैलेखकाे चामुण्डाबिन्द्रासैनी नगरपालिकाकाे बुडेली निवासी कर्णाली प्रदेशका पूर्व आन्तरिक मामिला तथा कानुनमन्त्री हिमबहादुर शाहीकाे निधन भएको छ ।
पारिवारिक स्रोतका अनुसार, बुधबार बेलुका कर्णाली प्रदेश अस्पतालमा उपचारका क्रममा उनको मृत्यु भएको हो। उनलाई हृदयाघात भएको थियो । शाहीले २०३६ को जनमत सङ्ग्रहमा निर्दलीय पञ्चायती व्यवस्था विरुद्ध बहुदलीय प्रजातन्त्रको पक्षमा जनजागरण अभियानमा अग्रणी भूमिका निभाएका थिए ।
०७४ मा समानुपातिकतर्फ कांग्रेसबाट कर्णाली प्रदेश सभा सदस्य भए । प्रदेशकाे आन्तरिक मामिला तथा कानुनमन्त्री पनि बने । कांग्रेस संसदीय दलको प्रमुख सचेतक पनि बनेका थिए ।
