काठमाडौँ, २६ भदौ । प्रतिनिधिसभाको शुक्रबारको बैठकबाट ‘कर्मचारी सञ्चय कोष (दशौँ संशोधन) विधेयक, २०८३’ माथि विचार गरियोस् भन्ने प्रस्ताव बहुमतले स्वीकृत भएको छ ।
बैठकमा अर्थमन्त्री डा. स्वर्णिम वाग्लेले विधेयकमाथि विचार गरियोस् भन्ने प्रस्ताव प्रस्तुत गरेका थिए । त्यसबारे सांसदरूले आ–आफ्ना सैद्धान्तिक धारणा राखेका थिए ।
सांसदहरूले उठाएका सैद्धान्तिक प्रश्नको अर्थमन्त्री डा. वाग्लेले जवाफ दिएपछि सभामुख डोलप्रसाद अर्यालले विधेयक निर्णयार्थ पेस गरेका थिए ।
विधेयकमाथि विचार गरियोस् भन्ने प्रस्ताव बहुमतले स्वीकृत भएको हो । अब यो विधेयक दफावार छलफलका लागि अघि बढ्नेछ। यस संशोधनले कर्मचारी सञ्चय कोषको सञ्चालन र व्यवस्थापनमा समसामयिक सुधार गर्ने विषय समेटिएका छन् ।
