काठमाडौँ, १९ भदौ । नेकपाका संयोजक पुष्पकमल दाहाल प्रचण्डले गौरा पर्व हाम्रो सांस्कृतिक विरासत, सामाजिक एकता र सद्भावको प्रतीक भएको बताएका छन् ।
श्रीकृष्ण जन्माष्टमीको अवसरमा शुभकामना सन्देश दिँदै उनले हामी सबैलाई कर्तव्य पथमा टिकिरहने धैर्य र शक्ति प्राप्त होस् भन्दै शुभकामना व्यक्त गरे ।
उनले भनेका छन्, ‘सुदूरपश्चिमको मौलिक पहिचान, संस्कृति र सभ्यताको जीवन्त प्रतीक गौरा पर्व तथा कृष्ण जन्माष्टमीको पावन अवसरमा स्वदेश तथा विदेशमा रहनुभएका सम्पूर्ण दिदीबहिनी तथा दाजुभाइहरूमा हार्दिक शुभकामना व्यक्त गर्दछु । गौरा हाम्रो सांस्कृतिक विरासत, सामाजिक एकता र सद्भावको प्रतीक हो। यस अमूल्य सम्पदाको संरक्षण र पुस्तान्तरण गर्दै सुदूरपश्चिमको समृद्धि, विकास र स्वाभिमानको यात्रामा एकताबद्ध भएर अघि बढौँ ।’
