काठमाडौँ, १९ भदौ । प्राकृतिक विपत्तिका कारण मुलुक आक्रान्त बनेका बेला फिल्म ‘गौँथली’ निर्माण टिमले मानवीय सहायताका लागि हात अगाडि बढाएको छ ।
यस कठिन घडीमा पीडित नागरिकहरूको घाउमा मलम लगाउने उद्देश्यले ‘गौँथली’ परिवारले प्रधानमन्त्री दैवी प्रकोप राहत कोषमा १४ लाख रुपैयाँ सहयोग गरेको हो ।
चलचित्र युनिटले अर्थमन्त्री डा. स्वर्णिम वाग्लेमार्फत उक्त रकम बराबरको चेक हस्तान्तरण गरेको हो।
सहयोग रकम हस्तान्तरण गर्दै ‘गौँथली’ परिवारले यो सहयोग केवल आर्थिक योगदान मात्र नभई सङ्कटमा परेका दाजुभाइ तथा दिदीबहिनीप्रतिको माया, सद्भाव र ऐक्यबद्धता भएको बताएको थियो ।
