काठमाडौँ, ६ भदौ । चलचित्र ‘खोज तलास’को पोस्टर सार्वजनिक भएको छ ।
अमेरिकाको न्युयोर्कमा आयोजित कार्यक्रममा स्टेट मेम्बर स्टेबिन रागा, निर्देशक किशोर सुब्बा, केशवराम राई, गोविन्द राईले एकसाथ पोस्टर सार्वजनिक गरेका हुन् ।
चलचित्रमा दिनेश लिङ्देनको कथा र निर्देशन छ । निर्देशक लिङ्देनले देशको वर्तमान राजनीति तथा विविध सामाजिक घटनालाई सिनेमाले उठान गर्ने बताए ।
चलचित्रमा रुद्र पाहिम, पुष्पाञ्जली लिम्बू, राजकुमार शाह, शैलेन्द्र नाल्बो, बिमला खजुमलगायत कलाकारको अभिनय रहनेछ । चलचित्रको निर्मातामा शैलेन्द्र नाल्बो रहेका छन् ।
