काठमाडौँ, २० साउन । नेकपा (माओवादी) का महासचिव नेत्रविक्रम चन्द (विप्लव) ले सरकार क्याप्टेनविहीन बनेको बताएका छन् ।
आज काठमाडौँमा आयोजित पत्रकार सम्मेलनमा उनले विद्रोहको जनादेशतिर नगएर अर्कोतिर फर्किंदा सरकार क्याप्टेनविहीन बनेको बताए ।
उनले भने, “सरकारकै पनि हालत हामी कस्तो देख्दै छौँ भने क्याप्टेनविहीन जस्तो देखिएको छ । सरकारको क्याप्टेन नै छैन कि क्या हो ? सरकार कसले चलाएको छ भन्ने जनतालाई अन्यौल पर्न थालेको छ,” “यसको केन्द्र कहाँ छ कसले चलाइरहेको छ भन्ने जस्तो गम्भीर विषय देशको स्थितिमा देखिँदै छ ।”
नेपालमा सैद्धान्तिक वैचारिक ढंगले प्रशिक्षित भएका दलहरू भत्किएको अवस्थामा राजनीति अराजकता र असन्तुष्टितिर धकेलिएको उनले बताए । देशको जिम्मा लिनेगरी नयाँ ढंगले सोच्नुपर्छ भन्ने बहस चलेको उनको भनाइ छ ।
