काठमाडौँ, १७ साउन । सञ्चार तथा सूचना प्रविधि मन्त्री विक्रम तिमल्सिनाले चालु आर्थिक वर्ष २०८३/८४ लाई नेपालको दूरसञ्चार क्षेत्रको रूपान्तरणको वर्षका रूपमा अघि बढाउने घोषणा गरेका छन् ।
आज बिहान फेसबुकमार्फत् आफ्नो योजना सार्वजनिक गर्दै मन्त्री तिमल्सिनाले यसै वर्षभित्र नेपालमा व्यावसायिक फाईभजी सेवाको सुरुआत गरिने जानकारी दिएका हुन्।
तिमल्सिनाले यस वर्ष नागरिकले प्रत्यक्ष अनुभूति गर्ने गरी दूरसञ्चार क्षेत्रमा सुधार, गुणस्तरीय र भरपर्दो सेवा, आधुनिक दूरसञ्चार पूर्वाधार निर्माण तथा सुदृढ सार्वजनिक सञ्चार प्रणालीको विकास गर्ने लक्ष्य सरकारले लिएको बताएका छन् ।
