काठमाडौँ, १५ साउन । बजारमा आलुको मूल्य बढेको छ ।
कालीमाटी फलफूल तथा तरकारी बजार विकास समितिको तथ्यांक अनुसार आलुको मूल्य बढेको हो ।
बजारमा रातो र सेतो गरी दुई प्रकारका आलु किन्न पाइन्छ । त्यसमध्ये रातो भारतीय आलु पनि बजारमा आउँछ ।
आज भारतीय रातो आलुको भाउ प्रतिकिलो थोकमा औसत ७ रुपैयाँ बढेको छ । आज यो आलु प्रतिकिलो थोक मूल्य न्यूनतम ३३ देखि अधिकतम ५७ र औसत ४२ रुपैयाँ कायम छ । हिजो न्यूनतम ३३ देखि अधिकतम ३७ र औसत ३५ थियो ।
रातो मुडेको आलु प्रतिकिलो न्यूनतम ४८ देखि अधिकतम ५३ र औसत ५० रुपैयाँ र सेतो आलु न्यूनतम ३० देखि अधिकतम ३५ र औसत ३३ रुपैयाँमा किनबेच भइरहेको छ ।
