काठमाडौँ, १४ साउन । प्रतिनिधिसभाका सभामुख डोलप्रसाद (डीपी) अर्यालले राष्ट्रपति रामचन्द्र पौडेलसँग भेट गरेका छन् ।
आज बिहान शीतलनिवास पुगेर उनले राष्ट्रपति पौडेलसँग भेटवार्ता गरेका सभामुखको सचिवालयले जनाएको छ ।
“भेटका क्रममा मुलुकको समसामयिक राजनीतिक परिस्थिति, संघीय संसद्का गतिविधि तथा संसदीय अभ्यासका विविध विषयमा विचारविमर्श भएको थियो,” सभामुखको सचिवालयले भनेको छ ।
प्रतिनिधिसभा बैठकअघि सभामुख अर्याल राष्ट्रपतिलाई भेट्न पुगेका हुन् । यही दिन बिहान ११ बजे बस्ने गरी संसद् बैठक बोलाइएको छ । करिब १४ दिनपछि प्रतिनिधिसभा बैठक बस्न लागेको हो ।
