काठमाडौँ, ७ साउन । नेपाली कम्युनिस्ट पार्टी (नेकपा) का नेता नाराणकाजी श्रेष्ठले कम्युनिस्ट एकताका लागि कार्यगत एकता अघि बढाउनुपर्ने बताएका छन् ।
आज पुष्पलालको स्मृति दिवसका अवसरमा एमालेले आयोजना गरेको कार्यक्रममा उनले आ–आफ्नो पार्टीको रुपान्तरण र पुनर्गठनको प्रक्रिया अघि बढाउनुपर्ने बताए ।
उनले भने, “आ–आफ्नो पार्टीको पुनर्गठनको प्रक्रिया अघि बढाएपछि अहिलेको संविधान, लोकतन्त्र र राष्ट्रियताको पक्षमा देशभक्त, लोकतन्त्र पक्षधर, वामपन्थीको कार्यगत एकताको प्रक्रिया अघि बढाउँ । त्यसपछि रुपान्तरित र पनुर्गठित वामपन्थी शक्तिहरूले एउटै केन्द्र बनाउने दिशातिर अघि बढौँ,” ।
उनले रुपान्तरित केन्द्रका रूपमा अघि बढ्नुपर्ने बताए । तुरुन्तै पार्टी एकताका लागि तयारी भइनसकेको बताए ।
