काठमाडौँ, २६ असार । बिहीबार काठमाडौँको त्रिपुरेश्वरमा आत्मदाहको प्रयास गरेका मुगुको सोरु गाउँपालिका–१ का गणेश नेपालीको उपचारको क्रममा निधन भएको छ ।
शरीरको करिब ५५ प्रतिशत भाग जलेर गम्भीर घाइते भएका उनको वीर अस्पतालमा उपचारको क्रममा निधन भएको हो । नेपालीको निधनपछि सामाजिक सञ्जालमा सरकारको व्यापक आलोचना भइरहेको छ ।
यस्तैमा कलाकार दीपकराज गिरीले पनि यो घटनामा सरकारको आलोचना गरेका छन् । उनले गणेश नेपालीको मृत्युको दोषी सरकार रहेको आशय व्यक्त गर्दै सरकारको पहिलो विकेट पतन भएको बताएका हुन् । उनी लेख्छन्, ‘अपार जनसमर्थन रहेको सरकारको पहिलो विकेट पतन भएको छ ।’
