काठमाडौँ, २० असार । फिफा विश्वकप २०२६ अन्तर्गत अन्तिम ३२ को रोमाञ्चक प्रतिस्पर्धामा अस्ट्रेलिया पेनाल्टी सुटआउटमा स्तब्ध बनेको छ ।
शनिबार बिहान सम्पन्न खेलमा अस्ट्रेलियालाई ४-२ ले पराजित गर्दै इजिप्ट अर्को चरणमा प्रवेश गरेको हो । डलास स्टेडियममा भएको खेल निर्धारित ९० मिनेट र थप गरिएको ३० मिनेटको अतिरिक्त समयमा पनि १-१ गोलको बराबरीमा सकिएपछि निर्णय पेनाल्टीबाट लिइएको हो।
इजिप्टका लागि होसाम अब्देलमगुइदले निर्णायक पेनाल्टी प्रहार गर्दै टोलीलाई ४-२ को जित दिलाए । अब अन्तिम १६ मा इजिप्टले अर्जेन्टिना र केप भर्डेमध्येको विजेता टोलीसँग प्रतिस्पर्धा गर्नेछ। यस हारसँगै अस्ट्रेलियाको विश्वकप यात्रा अन्तिम ३२ मा नै टुङ्गिएको छ।
