काठमाडौँ, १२ असार । धितोपत्र बजारका सेयर कारोबार मापक नेप्से परिसूचक शुक्रबार झिनो अंकले घटको ।
नेप्से परिसूचक दुई अंकले ओरालो लागेर २६४९.५१ विन्दुमा पुगेको नेपाल स्टक एक्सचेञ्जले जनाएको छ । ठूला कम्पनीको कारोबार मापन गर्ने सेन्सेटिभ परिसूचक ०.५५ अंकले ओरालो लागेर ४५७.६८ मा पुगेको भएको छ ।
कुल ३५९ कम्पनीको ७७ लाख २७ हजार ६४९ कित्ता सेयर तीन अर्ब ९४ करोड ५८ लाख चार हजार ५५२ रुपैयाँमा खरिदबिक्री भएको छ ।
कारोबारका आधारमा ग्लोबल आइएमई बैंकको डिबेञ्चर २०८६/८७ शीर्ष स्थानमा छ । यस्तै, ग्लोबल आइएमई बैंकको डिवेञ्चर, २०८४/८५, नेपाल बैंकको डिवेञ्चर २०८७, आँखुखोला जलविद्युत् कम्पनी र सिटी होटेल शीर्ष स्थानमा छ ।
नेप्सेका अनुसार, स्नो रिभर फल्स, टक्सार पिलुवा खोला हाइड्रोपावर, याम्बलिङ हाइड्रोपावर, एनएमबी डिवेञ्चर २०८९/९० र एनएमबी डिवेञ्चर –२०९० का लगानीकर्ताले कमाएका छन् ।
यस्तै, कालिका लघुवित्त, सप्तकोसी डेभलपमेन्ट बैंक, एनआइसी एसिया ऋणपत्र २०८०, सोपान फर्मासिटिकल्स र माईखोला हाइड्रोपावरका लगानीकर्ताले भने गुमाएका छन् ।
