काठमाडौँ, २६ जेठ । चलचित्र समीक्षक समाज, नेपाल (फिक्सन)ले ‘क्रिटिक्स फिल्म अवार्ड–२०८२’को नतिजा सार्वजनिक गरेको छ ।
फिक्सनले २०८२ मा उत्कृष्ट फिल्मका रूपमा ‘ऊनको स्वीटर’लाई अवार्ड प्रदान गर्ने भएको छ । उत्कृष्ट निर्देशकको अवार्ड नवीन चौहानले प्राप्त गरेका छन् ।
उत्कृष्ट अभिनेता ‘भूठान’बाट हरिवंश आचार्यले पाउँदा उत्कृष्ट अभिनेत्रीको अवार्ड आना शर्माले ‘रमिताको पिरती’बाट प्राप्त गरेकी छन् ।
उत्कृष्ट पटकथाको अवार्ड नवीन चौहान/सुरज कटुवालले ‘ऊनको स्वीटर’बाट पाएका छन् ।
उत्कृष्ट छायाकार सुशन प्रजापति ‘भूठान’बाट घोषित भएका छन् । उत्कृष्ट सम्पादनको अवार्ड अञ्जय खड्काले ‘भूठान’बाट प्राप्त गरेका छन् ।
उत्कृष्ट पार्श्व संगीतको अवार्ड कोबिद बज्रले ‘ऊनको स्वीटर’बाट प्राप्त गरेका छन् ।
