काठमाडौँ, २४ जेठ । साढे चार लाखले नेपाली कांग्रेसको क्रियाशील सदस्यता अद्यावधिक गरेका छन् ।
सदस्यता व्यवस्थापन केन्द्रीय समिति सदस्य एवं प्राविधिक प्रमुख नवराज त्रिपाठीका अनुसार हालसम्म साढे चार लाखले क्रियाशील सदस्यता अद्यावधिक गरेका छन् ।
उनले भने, “१४औँ महाधिवेशनमा जम्मा संख्या आठ लाख बढी हो । अहिले साढे चार लाखले त गरिसक्नु भएको छ । यसअघिका महाधिवेशनमा पनि ७५ प्रतिशतले मात्रै नवीकरण गरेको देखिन्छ, “त्यसमा नयाँ थपिने हो । १४औँ मा पनि २ लाख नयाँ थपिएका थिए । थपेको संख्या मिलाएर ८ लाख बढी भएका हुन् । अहिले सर्सर्ती हेर्दा ६ लाख पुग्ला जस्तो देखिन्छ ।”
६ लाखले क्रियाशील सदस्यता अद्यावधिक गर्ने आकलन रहे पनि आठ लाखले नै गर्न सक्ने उनको भनाइ छ ।
