एजेन्सी, २१ जेठ । अमेरिकी राष्ट्रपति डोनाल्ड ट्रम्पले बेलायत, युरोपेली संघ (ईयू) र अस्ट्रेलियासहित ६० व्यापारिक साझेदार देश तथा क्षेत्रमाथि १० प्रतिशतदेखि १२.५ प्रतिशतसम्म भन्सार शुल्क (ट्यारिफ) लगाउने चेतावनी दिएका छन् ।
बाध्यकारी श्रम रोक्न असफल भएको आरोप लगाउँदै उनले आफ्नो प्रमुख व्यापार नीतिलाई पुनर्जीवित गर्ने पछिल्लो प्रयासस्वरूप यो कदम अघि सारेका हुन् ।
यसको जवाफमा ईयूले तत्काल प्रतिक्रिया दिँदै अमेरिकाले गत जुलाईमा भएको ट्यारिफ सम्झौताको सम्मान गर्नुपर्ने बताएको छ । ईयूले अप्रत्यक्ष रूपमा थप लगाइने शुल्कहरू उक्त सम्झौताको मर्मविपरीत हुने तर्क गरेको छ ।
जबरजस्ती वा बाध्यकारी श्रममार्फत उत्पादन गरिएका वस्तुको आयातलाई अनुमति दिएको आरोप लागेका व्यापारिक साझेदारमाथि प्रस्तावित शुल्क अमेरिकाको सर्वोच्च अदालतले फेब्रुअरीमा ट्रम्पको तथाकथित ‘लिबरेशन डे’ ट्यारिफलाई गैरकानुनी ठहर गरेपछि आएको हो ।
