काठमाडौँ, १८ जेठ । श्रम संस्कृति पार्टीले प्रधानमन्त्री वालेन्द्र शाह (बालेन)को पछिल्लो अभिव्यक्तिले राष्ट्रघाती बदनियत प्रस्ट पारेको टिप्पणी गरेको छ ।
आज एक विज्ञप्ति जारी गर्दै श्रम संस्कृतिका अध्यक्ष हर्क साम्पाङले राष्ट्रिय स्वतन्त्र पार्टी (रास्वपा)का सभापति रवि लामिछाने भारत जानुअघि उक्त देशलाई रिझाउन हो या किन त्यस्तो अभिव्यक्ति दिएको ? भन्दै प्रश्न गरेका छन् ।
उनले विज्ञप्तिमा भनेका छन्, “कहिल्यै नआउने र नबोल्ने प्रधानमन्त्री सदनमा आएर रोस्ट्रममा उभिएर ‘नेपालले भारतको भूमि धेरै ठाउँमा मिचेको छ’ भन्ने अभिव्यक्ति दिनुले हाम्रो सीमा मिचिएको कुरालाई रफादफा गर्ने, लिपुलेक, लिम्पियाधुरा फिर्ता गर्नुपर्छ भन्ने हाम्रो मागलाई सामसुम पार्ने, नेपालले धेरै ठाउँका भूमि भारतलाई छोडिदिनुपर्ने राष्ट्रघाती बदनियत प्रस्ट पारेको छ ।”
