काठमाडौँ, १० जेठ । राष्ट्रिय स्वतन्त्र पार्टी (रास्वपा)ले पहिलो राष्ट्रिय महाधिवेशनको तयारी कार्यतालिका सार्वजनिक गरेको छ ।
पार्टीको केन्द्रीय निर्वाचन आयोगको जेठ ६ गतेको निर्णयअनुसार, महाधिवेशनका लागि आवश्यक सांगठनिक र निर्वाचनसम्बन्धी प्रक्रियाको मिति तय भएको हो ।
स्थानीय तथा जिल्ला अधिवेशनका प्रतिवेदनहरू जेठ २० गतेभित्र संकलन गरिने तयारी कार्यतालिकामा उल्लेख छ । त्यसैगरी महाधिवेशन प्रतिनिधिहरूको नामावली पेस गर्ने अन्तिम समय जेठ २५ गतेसम्म तोकिएको छ ।






