पोखरा, ९ जेठ । नेपाली कांग्रेसका नेता तथा पूर्वमहामन्त्री डा. शशांक कोइरालाले नेतृत्वले कसैलाई पनि पाखा नलगाइ, वर्ग वा समूह नहेरी सबैलाई समान अवसर दिँदा मात्र पार्टीले गति लिने बताएका छन् ।
पोखरामा आयोजित पार्टीका नेता–कार्यकर्ताहरूको भेलालाई सम्बोधन गर्दै उनले पार्टीलाई एक ढिक्का बनाउन वैचारिक छलफल र ठोस पहल जरुरी रहेको बताएका हुन् । उनले पार्टी भित्रका गुट उपगुटलाई चिर्दै एकताबद्ध कांग्रेस निर्माण गर्नुपर्नेमा जोड दिए ।
उनले भने, ‘पार्टी एक नभएसम्म नेपाली कांग्रेसको मात्र होइन, नेपालको भविष्य नै अन्धकारतर्फ जान्छ । महाधिवेशन वा महत्त्वपूर्ण निर्णयहरू गर्दा सबै पक्षलाई समेटेर समिति गठन गर्नुपर्छ । सबैलाई समेटेर अघि बढ्ने नीति नै कांग्रेसलाई बलियो बनाउने बाटो हो । नेतृत्वले ध्यान दिनुपर्छ ।’
