काठमाडौँ, ८ जेठ । नेपाली कांग्रेसले कञ्चनपुरको महेन्द्रनगरमा आयोजना गर्न लागेको सुदूरपश्चिम प्रदेश स्तरीय अन्तरक्रियात्मक कार्यक्रम स्थगित गरेको छ ।
नेपाली कांग्रेस सदस्यता व्यवस्थापन केन्द्रीय समितिद्वारा आगामी जेठ ११ गतेका लागि तय गरिएको सदस्यता अद्यावधिक सम्बन्धी उक्त कार्यक्रम विशेष कारणवश स्थगित गरिएको हो ।
पार्टी केन्द्रीय कार्यालयका कार्यवाहक मुख्य सचिव कृष्णप्रसाद दुलालद्वारा शुक्रबार जारी प्रेस विज्ञप्ति अनुसार उक्त सुदूरपश्चिम प्रादेशिक कार्यक्रम अर्को सूचना जारी नहुञ्जेलसम्मका लागि स्थगित गरिएको छ ।
