काठमाडौँ, ३० बैशाख । अभिनेत्री वर्षा राउतलाई फिल्म ‘मालती मंगले’ बाट निकै प्रशंसा मिलिरहेको छ । कतिपयले यो फिल्मलाई उनको करिअरकै उत्कृष्ट फिल्मको संज्ञा समेत दिएका छन् ।
अन्तर्वार्तामा वर्षाले यो फिल्मलाई आफ्नो करिअरको महत्वपूर्ण फिल्ममध्येको एकको रुपमा ब्याख्या समेत गरिरहेकी छिन् ।
फेसबुक स्टोरीमा उनले संक्षिप्त भिडियो पोस्ट गर्दै आफ्नो पालामा अरुले सपोर्ट नगरेको भन्दै मन दुःखाएकी हुन् । उनले यसो भनिरहँदा उनका आँखा रसाएका छन् । यो छोटो भिडियो मर्मस्पर्शी देखिन्छ ।
वर्षा भन्छिन्, ‘हरेक फिल्म आउँदा मैले सबैलाई सपोर्ट गरेको जस्तो लाग्थ्यो के मलाई चाहिँ । प्रत्यक्ष र अप्रत्यक्षरुपमा गरिराखेको हुन्थेँ । तर, मेरो पालामा कसैले नगर्दिदोँ रहेछ क्या । जे भएपनि, सबैलाई माया छ ।’
