काठमाडौँ, ३० बैशाख । श्रम संस्कृति पार्टीका अध्यक्ष हर्क साम्पाङ (राई) ले प्रधानमन्त्रीको कार्यशैली र बैठकमा अनुपस्थितिलाई लिएर आपत्ति जनाउँदै बैठक बहिष्कार गरेका छन्।
प्रधानमन्त्री स्वयं उपस्थित भई जवाफदेही हुनुपर्ने विषयहरूमा अन्य प्रतिनिधिलाई पठाउने गरिएको भन्दै उनले कडा असन्तुष्टि व्यक्त गरेका हुन्।
बैठक बहिष्कार गरेपछि उनले भने, ‘प्रधानमन्त्री आफैँ उपस्थित हुनुपर्ने र टेबल गर्नुपर्ने विषयहरूमा अरूलाई पठाउने गरिएको छ। मुलुकमा प्रधानमन्त्री नै नभएको जस्तो आभास भएकाले हामीले विरोधस्वरूप बैठक बहिष्कार गरेका हौँ। आज ठेलीका ठेली किताब दिने र भोलि नै पढेर आउनु भन्ने शैली उचित छैन। नीति तथा कार्यक्रम र बजेट जस्ता गम्भीर विषयमा पनि पर्याप्त समय दिइएको छैन।’
