प्रधानाध्यापकलाई कालोमोसो लगाउने चार जना पक्राउ

काठमाडौँ, २६ बैशाख । बैतडीको शिवनाथ गाउँपालिकास्थित एक विद्यालयका प्रधानाध्यापकलाई कालोमोसो र जुत्ताको माला लगाएको अभियोगमा प्रहरीले चार जनालाई पक्राउ गरेको छ ।

जिल्ला प्रहरी कार्यालय बैतडीका अनुसार शिवनाथ गाउँपालिका–४ लोजनीमा रहेको श्री पिपलकोट माध्यमिक विद्यालयका प्रधानाध्यापक दामोदर ओझामाथि दुर्व्यवहार गरेको घटनामा संलग्न रहेका उनीहरूलाई नियन्त्रणमा लिएको हो ।

वैशाख २४ गते बिहान करिब ११ः ४५ बजेको समयमा विद्यालय व्यवस्थापन समितिको बैठक बसिरहेका बेला प्रधानाध्यापक ओझालाई केही मानिसहरूले बाहिर बोलाएका थिए । बाहिर निस्किएका ओझालाई उनीहरूले कालोमोसो दलेर र जुत्ताको माला पहिर्याएर दुर्व्यवहार गरेका थिए ।

सोही घटनाको अनुसन्धानका क्रममा संलग्नता देखिएपछि प्रहरीले स्थानीय ४२ वर्षीय प्रेम सिंह महता, उनकी ३७ वर्षीया श्रीमती तारा महता, ३८ वर्षीय मोहन सिंह महता र उनकी ३४ वर्षीया श्रीमती सकुन्तला महतालाई पक्राउ गरेको हो । पक्राउ परेका चारै जनालाई जिल्ला प्रहरी कार्यालय बैतडीमा राखेर अभद्र व्यवहार गर्न नहुने कसूरमा मुद्दा दर्ता गरिएको छ । उनीहरूमाथि थप अनुसन्धान गर्न जिल्ला प्रशासन कार्यालय बैतडीबाट पाँच दिनको म्याद थप गरिएको छ । 

प्रतिक्रिया दिनुहोस्

संबन्धित समाचार

काठमाडौँ, २९ कार्तिक । जुवातास खेलिरहेको अवस्थामा प्रहरीले मुलुकका विभिन्न स्थानबाट ३१ जनालाई पक्राउ गरेको प्रहरी प्रधान कार्यालयले जानकारी दिएको

काठमाडौँ, २९ कार्तिक । कञ्चनपुरको दोधारा चाँदनी नगरपालिका–८ सुन्दरनगर नेपाली-भारत सीमा क्षेत्रबाट सशस्त्र प्रहरीले ३ लाख १५ हजार रुपैयाँ बराबरको ओखर

काठमाडौँ, २९ कार्तिक । प्रहरीले चोरीको मोटरसाइकलसहित ३ जनालाई पक्राउ गरेको छ । प्रहरी वृत्त गौशालाबाट खटिएको प्रहरी टोलीले सिन्धुपाल्चोकको

काठमाडौँ, २९ कार्तिक । लागू औषध ब्राउन सुगरसहित ३ जनालाई प्रहरीले पक्राउ गरेको छ । झापा र सुनसरी जिल्लाका विभिन्न