काठमाडौँ, १८ बैशाख । क्यानडा क्रिकेटले पुरुष राष्ट्रिय टोलीको मुख्य प्रशिक्षकमा मोन्टी देसाईलाई नियुक्त गरेको छ ।
उनी एसोसिएट राष्ट्रहरू र फ्रेन्चाइज लिगहरूमा आफ्नो कामका लागि परिचित छन् । संगठनमाथि भ्रष्टाचार र कुशासनको आरोप लागिरहेको बेला नयाँ सुरुआत गर्ने लक्ष्यका साथ यो निर्णय गरिएको हो ।
मोन्टी आईसीसी विश्वकप लिग-२ को गत शृङ्खलामा नेपाली टोली सम्हालेर नेपाली क्रिकेट समर्थकमाझ चर्चित बनेका प्रशिक्षक हुन् ।
उनले नेपाल प्रिमियर लिग एनपीएल सिजन-२ मा काठमाण्डू गोर्खाजको प्रशिक्षकको जिम्मेवारी सम्हालेका थिए । मोन्टीले यसअघि सन् २०१९ मा पनि क्यानडाका प्रशिक्षक भएर काम गरिसकेका छन् ।
